Malamig ang simoy ng hangin sa Antipolo….

…. at pagkatapos ng maraming kuwentuhan sa aming Gmail group ay natuloy din ang pagtitipon ng Blogkadahan sa magandang tahanan nina Batjay at Batjet sa Antipolo.Para sa isang katulad ko na siyudad ng Maynila lang ang karaniwang iniikutan, gusto ko ng umatras ng malaman kung sa Antipolo gaganapin ang EB. Allergic kasi ako pag naririnig ko ang mga pangalan na Antipolo, Alabang, Novaliches, Montalban,Fairview, etcetera…napakalayo po sa akin. Mabuti na lang, nakumbinsi ko ang kaibigan kong si Clarissa na i-test drive ang kanyang bagong Toyota Innova.

Napaka-cozy ng bahay ng mga David. Home sweet home ang dating. Nakita ko agad ang mga beloved Berks na sina Apol, Mari, Tito Rolly, Dr. Emer with his lovely Jane, Mec with her Jojo and of course the magnanimous host himself in blue puruntong. Sayang at di nakahabol si Ate Sienna who was supposed to plane in from California. Nagpipicnic ang mga Berks sa munting hardin na pinapalibutan ng mga beautiful vines at flowers.Napansin ko na kina-career nila ng pagkain ng inihaw na liempo, pansit bihon, kalderetang baka, tokwa’t baboy at litson manok kaya join naman kami ng friend ko.Masarap ang handa ni Jay at ang dalawa niyang mababait na alalay. Pero mas amazed ako at kasing-gana ko palang kumain si Mec at si Jane. Akala ko kasi ako na ang pinakamatakaw sa mga bubwit eh.

Late dumating si Sassy kaya pagdating nya ay panibagong round ng pagkain na naman. Nagdala sya ng masarap na Red Ribbon ube cake which went nicely with the Becky’s Kitchen brownies na bitbit ni Tito Rolly. Katakot-takot na tawanan at kuwentuhan ang naganap with matching guitar-playing by Tito R. Me gift-opening session pa dahil nun lang din dumating ang Christmas pasalubong ni Cathy from California…ang suwerte niyo,hehehe. Mapalad ako’t seatmate ko si Dr. Emer who willingly answered our health-related questions na me halong kaberdehan,nyahaha.

What can I say, enjoy talaga ang mga Berks who are scattered in different parts of the world. Whether online or in person, ang babait at kuwela nila. I am fortunate to have known them all through the blogosphere.